HAQQIMIZDA

2020-ci ilin aprel ayından fəaliyyətə başlayan “Media Təhlil Mərkəzi” İctimai Birliyinin başlıca missiyası Azərbaycanın media məkanının təhlil və araşdırmalarının aparılması, KİV-lərin fəaliyyətinin səmərəliliyi yüksəldilməsi məqsədilə təkliflərin hazırlanmasıdır.

Mərkəz KİV-lərin, eləcə də dövlət qurumlarının kommunikasiya siyasətinin təhlili, bu sahədə analitik hesabatların hazırlanması, sorğular vasitəsilə ictimai rəyin öyrənilməsi sahəsində ixtisaslaşmağı hədəfləyib.

Azərbaycanla bağlı xarici media resurslarında dərc olunan informasiya və məlumatların monitorinqinin həyata keçirilməsi, beynəlxalq miqyaslı KİV-lərin fəaliyyətində müasir yanaşma və trendlərin öyrənilməsi də MTM-in fəaliyyətində mühüm yer tutur.

Ölkə jurnalistlərinin peşəkarlıq səviyyəsinin yüksəldilməsinə və media sahəsində problemlərin aradan qaldırılmasına xidmət edən təkliflərin hazırlanması da Media Təhlil Mərkəzinin fəaliyyətinin əsas prioritetlərindən biridir.

Mərkəz informasiya siyasətində yalnız peşəkar jurnalistika prinsiplərini, eləcə də dövlət və ictimai maraqları üstün tutur.