Laçın rayonu Zabux kəndində tam orta məktəb fəaliyyətə başlayıb.
Bu barədə Məktəbəqədər və Ümumi Təhsil üzrə Dövlət Agentliyinin sosial şəbəkə hesabında qeyd edilib.
“Təhsil Qarabağa qayıdır”, – deyə paylaşımda bildirilib.
Xatırladaq ki, Laçın rayonu Zabux kənd tam orta məktəb binasının layihələndirilməsi, əsaslı təmiri və bərpası məqsədilə Azərbaycan Respublikasının Prezidentinin 22 sentyabr 2022-ci il tarixli sərəncamı imzalanmış və Zabux kəndində 176 şagird yerlik ümumtəhsil məktəb binasında bərpa – gücləndirmə və əsaslı təmir işlərinə başlanılmışdı.