Türkiyə Xarici İşlər Nazirliyi (XİN) Şərqi Qüds sinaqoqunda çoxlu insanın ölümü ilə nəticələnən terror aktını pisləyir.
Bu barədə nazirliyin açıqlamasında qeyd olunub.
“Yanvarın 27-də axşam Qüdsdə sinaqoqda törədilən və çoxlu insanın ölümü ilə nəticələnən terror aktını pisləyirik. Regionda son vaxtlar daha tez-tez baş verən hücumların yeni bir zorakılıq mərhələsinə səbəb olacağından narahatıq. Biz bütün tərəfləri bu cür hadisələrin qarşısını almaq üçün lazımi tədbirlər görməyə çağırırıq”, – deyə Türkiyə XİN bildirib.
Nazirlik “hücum nəticəsində həlak olanların ailələrinə, habelə İsrail hökumətinə və xalqına başsağlığı verir və yaralananların tezliklə sağalmasını arzulayır”.