TÜRKİYƏ PREZİDENTİNİN ANDİÇMƏ MƏRASİMİNDƏ 20 DÖVLƏT BAŞÇISI VƏ 45 NAZİR İŞTİRAK EDƏCƏK

Türkiyə Prezidenti Rəcəb Tayyib Ərdoğanın iyunun 3-də keçiriləcək andiçmə mərasimində azı 20 dövlət başçısının və 45 nazirin iştirakı gözlənilir.

Türkiyə mediası xəbər verir ki, NATO-nun baş katibi Yens Stoltenberq də mərasimdə iştirak etmək üçün Ankaraya gələcək.

Türkiyə liderinin şənbə gününə planlaşdırılan zəngin proqramı var. Buraya Türkiyə Cümhuriyyətinin qurucusu Mustafa Kamal Atatürkün məqbərəsini ziyarət etmək, Böyük Millət Məclisində and içmək, eləcə də kabinetinin yeni tərkibini elan etmək daxildir.

Bir qədər əvvəl parlamentdə millət vəkillərinin andiçmə mərasimi başlayıb. Prezident Rəcəb Tayyib Ərdoğan mərasimi onun üçün ayrılmış lojadan izləyir.

Bu gün 600 deputat and içərək Türkiyə Böyük Millət Məclisində fəaliyyətə başlayacaq.