Bu gün futbol üzrə Türkiyə Kubokunda 1/4 final mərhələsinin daha iki görüşü keçiriləcək.
Günün ilk oyunu “Trabzonspor”la “Bodrumspor” arasında olacaq. Qarşılaşma Bakı vaxtı ilə saat 18:45-də başlayacaq.
Kubokun mərkəzi görüşü isə İstanbulda oynanılacaq. Tarixi derbidə “Fənərbağça” əzəli rəqibi “Qalatasaray”la qarşılaşacaq. Matç Bakı vaxtı ilə saat 21:45-də start götürəcək.
Türkiyə Kubokunda 1/4 final mərhələsinə aprelin 3-də “Beşiktaş” – “Göztəpə” oyunu ilə yekun vurulacaq.
Qeyd edək ki, bu raundun ilk matçında “İskenderunspor”u 3 cavabsız qolla məğlub edən “Konyaspor” adını yarımfinala yazdırıb.