Televiziya və radiolarda aparılmış monitorinqlər göstərdi ki, vəziyyət qənaətbəxşdir.
Bunu jurnalistlərə açıqlamasında Dövlət Dil Komissiyası yanında Monitorinq Mərkəzinin direktoru professor Sevinc Əliyeva deyib.
O bildirib ki, artıq aşkarlanan qüsurlar aradan qaldırılır:
“İndi səhvlər daha az müşahidə olunur. Bu da mükəmməl dilimizdə danışmaq istəyimizdən irəli gəlir”.
Sevinc Əliyeva inzibati tədbirlərin tətbiq olunub-olunmayacağı məsələsinə də aydınlıq gətirib:
“Biz hər şeyin əlacını cəza ilə müəyyənləşdirməməliyik. Əvvəlcə tövsiyə və təkliflərimizi veririk. Arzulayırıq ki, gələn monitorinqlərdə qüsurlar olmasın. Biz də cəzaya əl atmayaq və vəsatət qaldırmayaq”.