Prezident İlham Əliyev Azərbaycan Respublikasının Albaniya Respublikasında (Tirana şəhərində) səfirliyinin fəaliyyətinin təmin edilməsi haqqında Sərəncam imzalayıb.
Sərəncama əsasən, Nazirlər Kabinetinə Azərbaycanın Albaniyada (Tirana şəhərində) səfirliyinin fəaliyyətinin təmin edilməsi ilə bağlı maddi-texniki təchizat və maliyyələşdirilmə və bu Sərəncamdan irəli gələn digər məsələləri həll etmək tapşırılıb.
Azərbaycanın Xarici İşlər Nazirliyi isə səfirliyin strukturunu və ştat cədvəlini təsdiq etməlidir.