2026-cı ilin sonuna qədər peşə təhsilinə qəbul sayının 11 minə qədər artacağı gözlənilir.
Bunu Peşə Təhsili üzrə Dövlət Agentliyinin direktor müavini, direktor vəzifələrini müvəqqəti icra edən Ceyhun Kərəmov mətbuat konfransında deyib.
O qeyd edib ki, “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda peşə təhsili ilə bağlı da hədəflər müəyyən edilib.
Onun sözlərinə görə, hədəflərdən biri mövcud ixtisaslarla yanaşı, əmək bazarına uyğun olaraq yeni ixtisasların da yaradılmasıdır.
Qeyd edək ki, 1 avqust tarixindən etibarən Peşə təhsil müəssisələrinə 2022/2023-cü tədris ili üzrə tələbə qəbuluna başlanılır.