Qazaxıstanın paytaxtı Nur-Sultanda sakinlər ictimai asayişin mühafizəsində polisə kömək məqsədilə xalq dəstələri yaradır.
Bu barədə Qazaxıstan KİV-ləri məlumat verir.
Qeyd olunur ki, hazırda bu cür dəstələrin tərkibində 500-ə yaxın sakin toplanıb.
Xalq dəstələrində idmançılar, həkimlər, sahibkarlar, müəllimlər və digər könüllülər yer alır.
Xatırladaq ki, yanvarın 2-də Qazaxıstanın bir neçə şəhərində etiraz aksiyası başlayıb. Aksiyalar daha sonra iğtişaşlara çevrilib.