Türkiyə ilə Ermənistan arasında münasibətlərin normallaşması ilə bağlı ilk iclas Moskvada keçiriləcək.
Bunu Türkiyənin xarici işlər naziri Mövlud Çavuşoğlu Ankarada Türkiyənin xarici siyasəti sahəsində 2021-ci ilin yekunları ilə bağlı mətbuat konfransında deyib.
O xatırladıb ki, 3+3 formatında ilk görüş artıq keçirilib. Nazir bildirib ki, İstanbul-Yerevan marşrutu il uçuşlar da tezliklə başlayacaq.
Qeyd edək ki, Türkiyə-Ermənistan danışıqlarında Türkiyəni ABŞ-dakı sabiq səfir Serdar Kılıç, Ermənistanı isə parlamentin spiker müavini Ruben Rubinyan təmsil edəcək.