İşğaldan azad edilmiş torpaqlarımızın minatəmizləmə prosesinə istehkamçılarla bərabər, xüsusi təlim keçmiş itlər qoşulur. Bu xüsusi təlim görmüş itlər mina və partlayıcı maddələri aşkarlama qabiliyyətinə malikdir.
Azərbaycan Respublikasının Minatəmizləmə Agentliyi minaaxtaran itlərin üstünlükləri barədə məlumat verib. Bildirilib ki, ərazinin yüksək metalla çirklənməsi səbəbindən metal detektorların istifadəsi mümkün deyilsə, o zaman minaaxtaran itlər effektiv vasitə hesab olunurlar. Həmçinin minaaxtaran itlər relyefi çətin ərazilərdə effektiv işləyə bilir.