![](https://mtm.az/wp-content/uploads/2021/08/lionel_messi_220321.jpg)
Argentinalı futbolçu Lionel Messi Fransanın “Pari Sen-Jermen” klubu ilə iki illik müqavilə imzalayacaq.
Bu barədə Fransa mətbuatı yazır.
Qeyd olunur ki, 34 yaşlı futbolçu ilə klub nümayəndələri müqavilənin şərtləri ilə bağlı razılığa gəlib.
L.Messinin bu gün ərzində tibbi baxışdan keçməsi gözlənilir. Məlumatlara əsasən, argentinalı ulduz PSJ-də karyerasının əvvəlində “Barselona”da geydiyi 30 nömrəli formanı daşıyacaq.
Xatırladaq ki, bir neçə gün əvvəl Lionel Messi mətbuat konfransı keçirərək İspaniya futbol liqasının maliyyə qaydaları ilə əlaqədar “Barselona”dan ayrıldığını açıqlamışdı.