Koronavirus xəstəliyindən sağalanlar bir müddət müxtəlif sağlamlıq problemləri ilə üzləşir, yaşlı insanlarda isə problem daha ciddi xarakter daşıyır.
Məsələ ilə bağlı açıqlama verən Səhiyyə Nazirliyinin baş infeksionisti Təyyar Eyvazov bildirib ki, virusu ağır keçirib sağalmış insanlarda, xüsüsən yaşlılarda və ağır xroniki xəstəlikləri olan insanlarda ağciyərlərin qalıq fibrozlaşması (sərtləşməsi) inkişaf edir. Bu zaman xəstələr daimi nəfəs darlığı və quru öksürəkən əziyyət çəkəcəklər.
Onun sözlərinə görə, bundan başqa digər şəxslərdə də “uzun sürən kovid” əlamətləri (kiçik hərarət, əzələ ağrıları, ümumi zəiflik, iybilmə-dad bilmənin pozulması və s.) bir müddət qala bilər.