Kaliforniyanın Los-Anceles şəhəri ətrafında baş vermiş güclü meşə yanğınları zamanı azı 5 nəfər həlak olub.
150 mindən çox insana təxliyə göstərişi verilib. Paliseyd, İton və Hörst bölgələrində baş vermiş yanğın nəticəsində 56 kvadrat kilometrə yaxın ərazi yanıb.
ABŞ Prezidenti Co Bayden fəlakətdən zərər görmüş insanları yaşayış yeri ilə təmin etmək, itkilərini qarşılamaq üçün federal fəlakət bəyannaməsi imzalayıb.
21:42
ABŞ-ın Kaliforniya ştatının Los-Anceles şəhəri yaxınlığında baş vermiş güclü meşə yanğınları səbəbi ilə 4 partlayış baş verib.
Güclü külək Pasadena, Pasifik Paliseyds və Silmar məhəllələri ətrafında yanğınları gücləndirib və 80 mindən çox sakini təhlükəsiz əraziyə təxliyəyə məcbur edib. Los-Anceles bölgəsində baş verən yanğınlar nəticəsində ən azı iki nəfərin həlak olduğu bildirilir.
Vilayət meri Karen Bass meşə yanğınlarının daha da intensivləşəcəyinə dair xəbərdarlıq edib. Yanğınlar indiyə kimi mindən çox tikilini məhv edib. Los-Anceles şəhərinin Yanğından Mühafizə Xidmətinin rəisi Entoni Maronun açıqlamasına görə yanğınlar 20 kvadratkilometrdən çox ərazini əhatə edib və hələlik alovu nəzarət altına almaq mümkün olmayıb.