“James Webb” kosmik teleskopu kainatın ilkin dövrlərinə aid, qaranlıq maddə ilə əhatələnmiş, ilkin ulduzabənzər üç göy cismi aşkar edib. Onlara şərti olaraq JADES-GSZ 11-0, JADES-GSZ 12-0 və JADES-GSZ 13-0 adları verilib.
“ScienceNews” saytı xəbər verir ki, yeni aşkar edilən üç cisimdən birinin yeni ulduz növü olduğu dəqiqləşsə, bu kəşf alimlərə ilkin kainatda ulduzların əmələ gəlməsini izah etməyə kömək edəcək. Alimlər yeni aşkarlanmış göy cismlərinin elmi potensialını sınaqdan keçirmək üçün virtual simulyasiya tərtib edib, sözügedən virtual modeli uğurla sınaqdan keçiriblər.
Alimlərin fikrincə, yeni aşkarlanmış qaranlıq maddənin tədqiqi superkütləli qara dəliklərin yaranmasını da izah edəcək.