Media Təhlil Mərkəzinin (MTM) Analitik qrupunun fikrincə, günün TOP-5 mövzusu aşağıdakılar ola bilər:
Top of Form
1. Azərbaycanın müstəmləkəçiliyə qarşı mübarizəsi
Bakıda keçirilən “Belçika müstəmləkəçiliyi: tanınma və məsuliyyət” adlı beynəlxalq konfransda Afrika və Asiya xalqlarının azadlıq hərəkatları ilə yanaşı, Azərbaycanın da tarixi müstəmləkəçiliyə qarşı mübarizə təcrübəsi müzakirə olunub. Tədbirdə vurğulanıb ki, Azərbaycan xalqı XX əsrin əvvəllərindən etibarən imperiya siyasətlərinə qarşı milli azadlıq ideyalarını müdafiə edib.
2. Amerika-Azərbaycan işçi qrupu
ABŞ və Azərbaycan arasında fəaliyyət göstərən işçi qrupu iki ölkə arasında enerji təhlükəsizliyi, iqtisadi əməkdaşlıq və regional sabitlik məsələlərini müzakirə etmək məqsədi daşıyır. Qrupun məqsədi strateji tərəfdaşlığı möhkəmləndirmək və regionda dayanıqlı inkişafı təmin etməkdir.
3. Türkiyə Ermənistanla sərhədləri açır?
Ermənistanın Baş naziri Nikol Paşinyan bildirib ki, Türkiyə ilə diplomatik münasibətlərin bərpası və sərhədlərin açılması artıq zaman məsələsidir. O, bu prosesin regionda sabitliyə və iqtisadi canlanmaya töhfə verəcəyinə ümid etdiyini vurğulayıb. Ankara isə münasibətlərin normallaşmasını Ermənistanın sülh gündəliyinə sadiqliyindən asılı sayır.
4. Ortaq təhdidə qarşı birgə mübarizə
Nikol Paşinyan qeyd edib ki, Azərbaycan və Ermənistan müəyyən ortaq təhlükələrə qarşı birgə mübarizə aparmağın zəruriliyini anlayır. O, regionda yeni reallıqlar fonunda müstəqillik və təhlükəsizliyin qorunması üçün dialoqun davam etdirilməsinin vacibliyini vurğulayıb.
5. Amerika və Çin liderlərinin Busan görüşü
Busanda keçirilən beynəlxalq sammit çərçivəsində Amerika və Çin liderlərinin görüşü ticarət münasibətlərinin, Tayvan məsələsi və qlobal təhlükəsizlik risklərinin müzakirəsi baxımından əhəmiyyətli oldu.