GÜNÜN AKTUAL MÖVZULARI – TOP 5

Media Təhlil Mərkəzinin (MTM) Analitik qrupunun fikrincə, günün TOP-5 mövzusu aşağıdakılar ola bilər:

1. ZelenskiƏrdoğan danışığı

Ukrayna Prezidenti Volodimir Zelenski ilə Türkiyə Prezidenti Rəcəb Tayyib Ərdoğan arasında telefon danışığı olub. Söhbətdə Ukraynadakı Azərbaycan səfirliyinin binasına və “Bayraktar” zavoduna hücum müzakirə edilib.

2. Minsk Qrupunun ləğvi

Rusiyanın ATƏT-dəki daimi nümayəndəsi Aleksandr Lukaşeviç bildirib ki, Minsk Qrupu bu ilin dekabr ayına qədər tamamilə ləğv olunacaq. Bu, Qarabağ münaqişəsi üzrə vasitəçilik institutunun formal sonu kimi qiymətləndirilir.

3. İslam dünyası üçün Azərbaycan modeli

Prezident İlham Əliyev “Əl-Ərəbiyyə” kanalına müsahibəsində Azərbaycanın siyasi sabitlik, iqtisadi inkişaf və dini tolerantlıq nümunəsi kimi İslam dünyası üçün model ola biləcəyini vurğulayıb.

4. FidanRubio danışığı

Türkiyənin xarici işlər naziri Hakan Fidanla ABŞ Dövlət katibi Marko Rubio telefon danışığı aparıblar. Dialoqda Rusiya–Ukrayna müharibəsində sülh təşəbbüsləri və Qəzzadakı humanitar vəziyyət müzakirə olunub.

5. TBMM-nin fövqəladə iclası

Türkiyə Böyük Millət Məclisinin sədri Numan Kurtulmuş Qəzzaya edilən hücumlar və bölgədəki ağır humanitar böhran səbəbilə parlamentin növbədənkənar iclasını çağırıb.