Azərbaycan Respublikası Müdafiə Nazirliyinin xətti ilə Türkiyə Respublikasının Tibb Elmləri Universitetinin Gülhanə Tədris və Araşdırma Xəstəxanasına hərbi tibb ixtisasına kursantların qəbulu elan olunur.
Bu barədə Dövlət İmtahan Mərkəzindən məlumat verilib.
Müsabiqədə 2023-cü ildə IV ixtisas qrupu üzrə qəbul imtahanlarında 600 və daha yuxarı bal toplamış 19 yaşınadək oğlan abituriyentlər iştirak edə bilərlər.
Müsabiqədə iştirak etmək istəyənlər avqustun 18 21-də (bazar günü istisna olmaqla) Azərbaycan Tibb Universitetinin Hərbi tibb fakültəsində yaradılmış komissiyaya müraciət etməlidirlər.
Ünvan: Bakı şəhəri, Ceyhun Səlimov küçəsi, 3. Silahlı Qüvvələrin Baş Klinik Hospitalının ərazisi. Əlaqə telefonu: 431-39-73.
Seçim zamanı uğur qazanmış 8 (səkkiz) namizədin Gülhanə Tədris və Araşdırma Xəstəxanasına təhsil almağa göndərilməsi planlaşdırılır.