Cari ilin fevral ayında onlayn mediada sığorta şirkətlərinin fəaliyyətinə həsr olunan 557 yazı dərc olunub. Bu barədə Media Təhlil Mərkəzinin (MTM) 2025-ci ilin fevral ayı üzrə müxtəlif qurumların fəaliyyətinin onlayn mediada işıqlandırılması barədə hesabatında qeyd olunub.
Cari ilin fevral ayında sığorta şirkətləri barəsində dərc olunan məqalələrin 113-ü “Xalq Həyat Sığorta” ilə bağlı olub. Bu rəqəm ümumi göstəricinin 20,3%-ni təşkil edib. İlk üçlüyə daxil olan digər iki şirkətin – “PAŞA Sığorta” və “Qala Sığorta”nın hər birinin media aktivlik indeksi isə 44-ə bərabər olub.
Sənədə əsasən, son 1 ildə sığorta şirkətlərinin fəaliyyətinin onlayn mediada işıqlandırılması ilə bağlı ən yüksək nəticə 2024-cü ilin iyun ayında qeydə alınıb. Həmin ay onlayn mediada sığorta şirkətləri ilə bağlı 1562 yazı dərc olunub.
