Noyabrın 11-də futbol üzrə dünya çempionatının Avropa zonası üzrə seçmə mərhələsinin doqquzuncu turuna start veriləcək.
Turnirin A qrupunda yer alan Azərbaycan milli komandası sonuncu görüşdə Lüksemburq yığmasını qəbul edəcək. Qrupun digər görüşündə isə Portuqaliya seçməsi İrlandiyanın qonağı olacaq. Portuqaliyalılar bu oyunda qələbə qazanacaqları sayəsində qrupda liderliyə yüksələcəklər. Bu qrupda yer alan Serbiya yığması isə Qətərlə yoldaşlıq görüşündə qarşılaşacaq.
Günün bütün görüşləri aşağıdakılardır:
A qrupu
Azərbaycan – Lüksemburq;
İrlandiya – Portuqaliya.
Qrupdakı vəziyyət: Serbiya – 17 (7 oyuna), Portuqaliya – 16 (6), Lüksemburq – 6 (6), İrlandiya – 5 (6), Azərbaycan – 1 (7).
B qrupu
Gürcüstan – İsveç;
Yunanıstan – İspaniya.
Qrupdakı vəziyyət: İsveç – 15 (6 oyuna), İspaniya – 13 (6), Yunanıstan – 9 (6), Gürcüstan – 4 (7), Kosovo – 4 (7).
H qrupu
Rusiya – Kipr;
Malta – Xorvatiya;
Slovakiya – Sloveniya.
Qrupdakı vəziyyət: Rusiya – 19, Xorvatiya – 17, Slovakiya – 10, Sloveniya – 10, Malta – 5, Kipr – 5.
J qrupu
Ermənistan – Şimali Makedoniya;
Rumıniya – İslandiya;
Almaniya – Lixtenşteyn.
Qrupdakı vəziyyət: Almaniya – 21, Rumıniya – 13, Şimali Makedoniya – 12, Ermənistan – 12, İslandiya – 8, Lixtenşteyn – 1.
Futbol üzrə dünya çempionatının Avropa zonası üzrə seçmə mərhələsinin doqquzuncu turunun digər oyunları noyabrın 12-də keçiriləcək.