Bu gün kişi və qadın voleybolçulardan ibarət Azərbaycan yığmaları Qızıl Avropa Liqasında növbəti oyunlarını keçirəcəklər.
Faiq Qarayevin rəhbərlik etdiyi qadın millisi ikinci turda Rumıniyada İsveçlə üz-üzə gələcək. Görüş Bakı vaxt ilə saat 17:30-da start götürəcək.
Yığma daha əvvəl Xorvatiyanı (3:0) məğlub edib, Slovakiya (1:3) və “Rumıniya (0:3) seçmələrinə isə uduzub.
Kişi voleybolçuların yığması isə Belçikada Şimali Makedoniya ilə qarşılaşacaq. Görüş Bakı vaxt ilə saat 19:30-da başlayacaq.
Fərid Cəlalovun başçılıq etdiyi komanda bundan əvvəl keçirdiyi oyunlarda Rumıniya, Ukrayna və Belçika yığmalarına eyni hesabla məğlub olub – 0:3.
Bu nəticədən sonra qadın yığması 3 xalla 9-cu, aktivində xalı olmayan kişilərdən ibarət kollektiv isə 12-ci pillədə qərarlaşıb.