Gürcüstanda 21 ölkənin iştirakı ilə “Agile Spirit 2023” çoxmillətli hərbi təlimlər başlayıb.
Bu barədə Gürcüstan Müdafiə Nazirliyi məlumat yayıb.
Bildirilib ki, 11-ci dəfədir təşkil olunan təlim çərçivəsində Vaziani hərbi aerodromunun ərazisində ilk nümayiş komponenti təqdim olunub. ABŞ Ordusunun Avropa Komandanlığının 173-cü Hava Desant Briqadasının C-17 çoxməqsədli hərbi-nəqliyyat təyyarəsi Vazianidə hava-desant təlimi keçirib. Əməliyyatda Gürcüstan Müdafiə Qüvvələrinin komandanı, general-mayor Qiorqi Matiaşvili, ABŞ-ın Gürcüstandakı səfiri Kelli Deqnan və müdafiə attaşesi, polkovnik Cozef Bilbo, Müdafiə Qüvvələrinin rəhbərləri və digər səlahiyyətli şəxslər iştirak ediblər.
Qeyd edək ki, “Agile Spirit 2023” NATO-Gürcüstan Birgə Təlim və Qiymətləndirmə Mərkəzinin qərargahında açılıb.
Hərbi təlimlərdə Azərbaycan Ordusunun hərbi qulluqçuları da iştirak edirlər.
