Azərbaycan Sosial Demokrat Partiyasının (ASDP) sədri, keçmiş millət vəkili Araz Əlizadə vəfat edib.
Ankoloji xəstəlikdən əziyyət çəkən Araz Əlizadə ötən gün 70 yaşında dünyasını dəyişib.
Araz Məmməd Mübariz oğlu Əlizadə 1951-ci il noyabrın 3-də Bakı şəhərində alim ailəsində doğulub. 1974-cü ildə Azərbaycan Dövlət Universitetinin Şərqşünaslıq fakültəsini bitirib. 1975–1976-cı illərdə Əfqanıstanda tərcüməçi işləyib. 1979-cu ildən Ukrayna SSR-nin paytaxtında Ukrayna Elmlər Akademiyası Tarix İnstitutunda kiçik elmi işçi işləyib, eləcə də Kiyev Xarici Dillər Pedaqoji İnstitutunda dərs deyib. 2015-ci ildə keçirilən parlament seçkilərində deputat seçilib.