XI Beynəlxalq Multikulturalizm Qış Məktəbi çərçivəsində 17 ölkədən 20 tələbə bu gün işğaldan azad olunan Ağdam rayonunda olub.
Tələbələr Şahbulaq qalası, İmarət saray kompleksi, Ağdam Cümə məscidi və Qiyaslı kənd məscidinə baş çəkiblər.
Xarici tələbələrin Ağdamdan sonra Şuşaya gedəcəkləri gözlənilir.
Qeyd edək ki, Bakı Beynəlxalq Multikulturalizm Mərkəzinin təşkilatçılığı ilə Azərbaycanda XI Beynəlxalq Multikulturalizm Qış Məktəbi çərçivəsində 17 – 24 fevral 2022-ci il tarixlərində “Mədəni irsə qarşı müharibə cinayətləri: Qarabağ münaqişəsi nümunəsində” mövzusunda tədbirlər keçirilir.
