Bu gün səhər saatlarında Əfqanıstanın paytaxtı Kabildə partlayış baş verib.
Bu barədə Hasht-e Subh qəzeti məlumat yayıb. Nəşrin məlumatında bildirilir ki, içərisində kənd təsərrüfatının bərpası və inkişafı nazirliyinin əməkdaşları olan nəqliyyat vasitəsi partladılıb. İnsidentin detalları dəqiqləşdirilir.
“Taliban” hadisə barədə informasiyanı hələlik şərh etməyib.
Qətərin Al Jazeera telekanalının verdiyi digər xəbərə görə, partlayış nəticəsində ölənlər və yaralananlar var.
Son aylar Əfqanıstanın bir sıra əyalətlərində, o cümlədən paytaxt regionunda “Taliban” hərəkatı tərəfdarlarının və dinc sakinlərin ölümü ilə nəticələnmiş partlayışlar, silahlı hücumlar baş verib. Bu terror aktlarının bir çoxunu İŞİD-in qolu olan “Xorasanda islam dövləti” qruplaşması üzərinə götürüb.