Böyük Britaniyanın paytaxtı Londonda ekologiya fəalları Madam Tüssonun mum fiqurlar muzeyində kral III Çarlzın heykəlinə hücum edib.
“Neftə son verin” yazılı geyimdə olan iki nəfər heykəlin üzərinə şokoladlı tort atıb.
Həmin şəxslər polis tərəfindən saxlanılıb.
Bu, ekologiya fəallarının həyata keçirdiyi ilk hücum olmayıb. Belə ki, oktyabrın 14-də Londonda Vinsent van Qoqun “Günəbaxanlar” rəsminin üzərinə şorba atılmışdı. Ötən gün isə Almaniyanın Potsdam şəhərində Klod Monenin “Ot tayası” rəsm əsəri oxşar hücuma məruz qalıb.