Belarusda Rusiya və Ukrayna nümayəndələri arasında ilkin danışıqlar başa çatıb.
Ukrayna KİV-nin məlumatına görə, bunu Ukrayna prezidentinin aparat rəhbərinin müşaviri Mixaylo Podolyak deyib.
“Birinci raund başa çatıb, yerlərdə əlavə məsləhətləşmələr, ondan sonra daha bir danışıqların aparılması mümkündür”, – o deyib.
Rusiya nümayəndə heyətinin rəhbəri Vladimir Medinski də qeyd edib ki, yaxın günlərdə Belarus-Polşa sərhədində Ukrayna və Rusiya nümayəndə heyətlərinin növbəti görüşü baş tutacaq.
“Biz ümumi mövqeləri proqnozlaşdıra biləcəyimiz bəzi məqamlar tapdıq”, – deyə o qeyd edib.
***
18:24
Belarusda Rusiya və Ukrayna nümayəndələri arasında danışıqlar fasilədən sonra davam edir.
Bu barədə Belarusun “Belta” dövlət agentliyi məlumat yayıb.
XXX
17:47
Belarusda Rusiya və Ukrayna nümayəndələri arasında danışıqlar başa çatıb.
Danışıqlar prosesi 3 sata yaxın davam edib.
XXX
15:18
Belarusda Rusiya və Ukrayna arasında danışıqlar başlayıb.
Ukraynanın “Unian” xəbər portalın məlumatına görə, nümayəndələr arasında danışıqlar nəzərdə tutulan vaxtdan gec başlayıb.