Rusiyanın Kamçatka yarımadasının Koryaki kəndində An-2 təyyarəsinin qəzaya uğraması nəticəsində 2 nəfər həlak olub.
“İnterfaks”ın verdiyi məlumata görə, bunu Kamçatka diyarının qubernatoru Vladimir Solodov deyiv.
“İlkin məlumata əsasən, qəza nəticəsində iki heyət üzvü həlak olub. Həlak olanların ailələrinə və yaxınlarına dərin hüznlə başsağlığı verirəm”, – deyə qubernator bildirib.
Rusiya Fövqəladə Hallar Nazirliyinin Kamçatka diyarı üzrə Baş İdarəsindən isə bildirilib ki, qəza nəticəsində heyət üzvlərindən biri ölüb, digərinin yeri müəyyənləşdirilir.
XXX
05:15
Rusiyanın Kamçatka yarımadasının Koryaki kəndində An-2 təyyarəsi qəzaya uğrayıb.
“TASS”ın verdiyi məlumata görə, bu barədə Rusiya Fövqəladə Hallar Nazirliyinin Kamçatka diyarı üzrə Baş İdarəsinin mətbuat xidmətindən bildiriblər.
“Xilasedicilər Elizovski bələdiyyəsinin Koryaki kəndi yaxınlığında yüngülmühərrikli An-2 təyyarəsinin qəzaya uğradığı yerə gedirlər”, – deyə açıqlamada bildirilir.