Azərbaycan tərəfinin mövqeyi dəyişməzdir. Biz post-münaqişə dövründə beynəlxalq qanunlar əsasında sivil qaydada Ermənistanla münasibətlərin normallaşmasının tərəfdarıyıq.
Bunu xarici işlər naziri Ceyhun Bayramov xarici işlər naziri Azərbaycanda səfərdə olan Qətərin xarici işlər naziri Şeyx Məhəmməd bin Əbdülrəhman Al-Tani ilə birgə mətbuat konfransında deyib.
Nazir bildirib ki, eyni zamanda ölkələr arasında beynəlxalq səviyyədə tanınmış sərhədlərin delimitasiyası və demarkasiya prosesinin nə qədər tez başlanılması o qədər yaxşıdır. Ceyhun Bayramov bildirib ki, Ermənistan bu istiqamətdə hər hansı bir müsbət addım atacaqsa Azərbaycan ona qarşılıq addım atacaq.