Azərbaycanın Xarici İşlər Nazirliyi Tatarstan Respublikasında təyyarə qəzası nəticəsində insanların həlak olması ilə əlaqədar Rusiyaya başsağlığı verib.
Bu barədə XİN-in “Twitter” səhifəsində bildirilir.
Məlumatda deyilir: “Tatarıstan Respublikasında paraşütçülərin olduğu təyyarənin qəzaya uğraması nəticəsində həlak olmuş şəxslərin ailələrinə və qohumlarına, Rusiya xalqına dərin hüznlə başsağlığı veririk”.
Qeyd edək ki, bu gün səhər saatlarında Tatarstan Respublikasının Menzelinsk şəhərində “L-410” yüngülmühərrikli təyyarə qəzaya uğrayıb. Təyyarənin göyərtəsində 20-si paraşütçü olmaqla 22 nəfər olub. Qəza nəticəsində yalnız 6 nəfər sağ qalıb.