Media Təhlil Mərkəzinin (MTM) Analitik qrupunun fikrincə, günün TOP-5 mövzusu aşağıdakılar ola bilər:
1. Azərbaycan-İtaliya əlaqələri
İtaliya Prezidenti Sercio Mattarellanın Azərbaycana səfəri iki ölkə arasında siyasi, iqtisadi və enerji əməkdaşlığının daha da dərinləşməsinə təkan verir. Bu səfər enerji təhlükəsizliyi, ticarət əlaqələri və mədəni əməkdaşlıq istiqamətində yeni imkanların açılmasına xidmət edir.
2. Azərbaycanın Avropaya elektrik enerjisinin ixracı
Azərbaycan Avropa İttifaqı ilə elektrik enerjisi ixracı layihəsi üzərində işləyir. Hazırda elektrik xətlərinin çəkilməsi ilə bağlı texniki-iqtisadi əsaslandırma hazırlanır. Bu addım Azərbaycanın enerji ixracında diversifikasiya siyasətini gücləndirəcək.
3. Avropa İttifaqı-Azərbaycan əlaqələrində müsbət addımlar
Son dövrlər Azərbaycan və Avropa İttifaqı arasında əməkdaşlıq münasibətləri yeni mərhələyə qədəm qoyur. Enerji, nəqliyyat və ticarət sahələrində tərəflər arasında əməkdaşlığın dərinləşməsi regional sabitlik və qarşılıqlı fayda üçün mühüm hesab olunur.
4. Azərbaycanın Trampın Qəzza planına dəstəyi
Azərbaycan ABŞ Prezidenti Donald Trampın Qəzza ilə bağlı sülh planını dəstəklədiyini açıqlayıb. Bu mövqe ölkənin beynəlxalq arenada sülh təşəbbüslərinə verdiyi dəstəyin və regionda sabitliyin qorunmasına marağının göstəricisi kimi dəyərləndirilir.
5. Ermənistanda keşbek problemi
Ermənistanda təqaüdçülər üçün nəzərdə tutulan keşbek proqramında ciddi problemlər üzə çıxıb. Proqramın işləməməsi sosial narazılığa səbəb olur və hökumətin sosial öhdəliklərini yerinə yetirməsində boşluqları göstərir.