Azərbaycandan olan kursantlar Türkiyənin Milli Müdafiə Universitetinin Hərbi Dənizçilik Məktəbinin tələbələrinin bacarıqlarının artırılması proqramında iştirak edirlər.
Türkiyənin Milli Müdafiə Nazirliyindən bildirilib ki, proqramın iştirakçıları, o cümlədən Azərbaycan və Tunisdən olan kursantlar “TCG Sancaktar” hərbi gəmisinin göyərtəsində təlim keçirlər.
Qardaş ölkənin müdafiə nazirliyi qeyd edib: “Açıq dənizə çıxış avqustun 15-dək davam edəcək. Proqram çərçivəsində Türkiyə Hərbi Dəniz Qüvvələrinə məxsus gəmi Şimali Kipr Türk Cümhuriyyəti, Misir, Albaniya və Malta limanlarına da səfər etməyi planlaşdırır”.
Diqqətə çatdırılıb ki, iyulun 8-dən 14-dək həyata keçirilən bu proqramın iştirakçıları (Türkiyə Milli Müdafiə Universitetinin 244 tələbəsi və dost ölkələrdən 53 kursant) “Dəniz hazırlığı” kursunu bitiriblər.