Media Təhlil Mərkəzinin (MTM) Analitik qrupunun fikrincə, günün TOP-5 mövzusu aşağıdakılar ola bilər:
1. Almaniya Prezidentinin Azərbaycana səfəri və Ermənistanın atəşkəsi pozması:
Almaniya Prezidentinin Azərbaycana səfərinin ilk günündə Ermənistanın atəşkəsi pozması hadisəsi bölgədə sülh prosesinin həssaslığını və mövcud gərginliyin Ermənistan tərəfindən qaynaqlandığını bir daha göstərdi.
2. Prezident İlham Əliyevin sülh sazişi şərtləri
Prezident İlham Əliyev növbəti dəfə sülh sazişinin imzalanması üçün Ermənistanın konstitusiya dəyişikliyi etməsini və ATƏT-in Minsk qrupunun ləğv edilməsini şərt kimi irəli sürüb. Bu tələblər ərazi iddialarının həlli və sülh prosesinin davamlılığının təmin olunması üçün atılan addımlar kimi qiymətləndirilməlidir.
3. Ermənistanın Türkmənistandan qaz almaqla bağlı danışıqları:
Ermənistan enerji tədarükünü təmin etmək məqsədilə Türkmənistandan qaz almaq üçün yeni danışıqlara başlayıb. Bu addım ölkənin enerji təminatını həyata keçirmək üçün nə dərəcədə əhəmiyyətlidir.
4. Ağdamda mina partlaması
Ağdamda baş verən mina partlaması nəticəsində bir nəfər xəsarət alıb. Hadisə işğaldan azad edilmiş ərazilərdə minaların təhlükəsi və təmizləmə işlərinin zəruriliyini bir daha ortaya qoyur.
5. Qureşaba Krallığının Bakı Təşəbbüs Qrupuna üzv olmaq istəyi
Qureşaba Krallığı Bakı Təşəbbüs Qrupuna üzv olmaq üçün rəsmi müraciət edib. Bu təşəbbüs Fransız müstəmləkəçiliyinə qarşı başlanan beynəlxalq kampaniyanın tərkib hissəsi kimi olduqca əhəmiyyətlidir və ölkənin qlobal arenada yeni strateji tərəfdaşlıqlar axtarışında olduğunu göstərir.