Bakı Şəhər İcra Hakimiyyətinin (BŞİH) başçısı Eldar Əzizovun başçılıq etdiyi rəsmi nümayəndə heyəti Kiyev şəhərinin meri Vitali Kliçkonun dəvəti ilə Ukrayna paytaxtına səfərə gedib.
BŞİH-dən verilən məlumata görə, səfərin ilk günü Bakı Şəhər İcra Hakimiyyətinin başçısı Eldar Əzizov və nümayəndə heyəti üzvləri Kiyevdə Azərbaycan xalqının Ümummilli lideri Heydər Əliyevin abidəsini ziyarət edib.
Səfər çərçivəsində nümayəndə heyətinin Kiyevdə bir sıra görüşləri nəzərdə tutulub.
