“Ednews” internet nəşri 26 İyun – Azərbaycan Silahlı Qüvvələr Gününün Şuşa şəhərində necə qeyd olunduğundan bəhs edilən məqalə dərc edib.
Məqalədə Azərbaycan Prezidentinin Şuşa rayonu üzrə xüsusi nümayəndəsi Aydın Kərimov və Şuşa şəhər Dövlət Qoruğu İdarəsinin icraçı direktoru Tural Novruzovun Birinci və İkinci Qarabağ müharibələri veteranları, Azərbaycan ordusunun hərbçiləri və şəhid ailələri ilə yeni yaşayış kompleksində çay süfrəsi arxasında görüşdüyü deyilir.
Nəşrdə qeyd olunur ki, iyunun 26-da təşkil olunmuş görüş səmimi, dostluq atmosferində keçib.