Azərbaycan Respublikasının Prezidenti İlham Əliyev fevralın 7-də keçirilən seçkilərdə səslərin 92.12 faizini (4 milyon 567 min 458 səs) toplayaraq qələbə qazanıb.
Bu barədə Mərkəzi Seçki Komissiyasının sədri Məzahir Pənahov fevralın 11-də seçkilərin yekunları ilə bağlı keçirilən iclasda bildirib.
Qeyd olunub ki, seçkilər 125 seçki dairəsi üzrə keçirilib və vətəndaşlara səs vermələri üçün bütün şərait yaradılıb.
Yekun nəticələr belədir:
Lider namizəd Əliyev İlham Heydər oğlu – 4 milyon 567 min 458 səs (92,12 faiz)
Əliyev Fuad Ağası oğlu – 26 min 517 səs (0,54 faiz)
Həsənquliyev Qüdrət Müzəffər oğlu – 85 min 411 səs (1,72 faiz)
Musayev Elşad Nəbi oğlu – 32 min 885 səs (0,66 faiz)
Mustafa Fazil Qəzənfər oğlu – 98 min 421 səs (1,99 faiz)
Nurullayev Razi Qulaməli oğlu – 39 min 643 (0,80 faiz)
Oruc Zahid Məhərrəm oğlu – 107 min 632 səs (2,17 faiz).
Xatırladaq ki, növbədənkənar prezident seçkilərində seçici fəallığı 76, 43 faiz olub.