UEFA AVROPA LİQASI: “QARABAĞ” QRUP MƏRHƏLƏSİNDƏ BU GÜN İLK OYUNUNU KEÇİRƏCƏK

UEFA Avropa Liqasında mübarizə aparan “Qarabağ” turnirin qrup mərhələsində bu gün ilk oyununu keçirəcək.

Ağdam təmsilçisi Tofiq Bəhramov adına Respublika stadionunda saat 20:45-də başlayacaq oyunda Norveçin “Mölde” klubu ilə qarşılaşacaq.

Matçı Şotlandiyadan olan hakimlər briqadası idarə edəcək. Baş hakim John Beatona, Daniel McFarlane, Douglas Potter yardım edəcək.

Dördüncü hakim funksiyasını isə Matthyu MacDermid yerinə yetirəcək.

H qrupunun digər matçında Almaniyanın “Bayer 04” komandası İsveç “Hakken”ini qəbul edəcək. Bu oyun da eyni saatda start götürəcək.