Bu gün AVRO-2024-ün seçmə mərhələsində V turun daha yeddi oyunu keçiriləcək.
Gecənin ilk matçı A qrupunda Gürcüstan və İspaniya milli komandaları arasında baş tutacaq. Bu qrupun digər görüşündə Şotlandiya yığması səfərdə Kiprin qonağı olacaq.
D qrupunda Türkiyə seçməsi doğma meydanda Ermənistanı, Xorvatiya isə Latviyanı sınağa çəkəcək.
J qrupunda isə üç qarşılaşma keçiriləcək. Lider Portuqaliya səfərdə Slovakiya ilə üz-üzə gələcək. Bosniya və Herseqovina Lixtenşteyni, Lüksemburq isə İslandiyanı qəbul edəcək.