Müəllimlərin işə qəbulu üzrə müsabiqənin müsahibə mərhələsi davam edir. Avqustun 14-də müsahibə mərhələsinin IV günü ibtidai sinif, musiqi, kimya, riyaziyyat, texnologiya, tarix və fiziki tərbiyə (rus bölməsi) fənləri üzrə müsahibələr təşkil olunub.
Bu barədə İnsan Resursları Mərkəzindən məlumat verilib. Bildirilib ki, müsahibələrə 751 nəfər dəvət olunub. Bu gün Qarabağ Regional Təhsil İdarəsinin müdiri Gündüz Əbdülov və Mil-Muğan Regional Təhsil İdarəsinin müdiri Rəşad Musayev müsahibələrin gedişatı ilə tanış olublar.