MÖVLUD ÇAVUŞOĞLU: BUÇA VƏ İRPİNDƏN OLAN GÖRÜNTÜLƏR MÜZAKİRƏLƏRƏ KÖLGƏ SALDI

Buça və İrpindən olan görüntülər müzakirələrə və müsbət atmosferə kölgə saldı.

Bunu Türkiyə xarici işlər naziri Mövlud Çavuşoğlu jurnalistlərə açıqlamasında deyib.

O qeyd edib ki, Ukraynadakı müharibə ilə bağlı bütün dünyada ciddi narahatlıq var. Müharibənin təsirləri hər yerdə hiss olunur.

“Tərəfdaşlarımızla bu görüşü təşkil etmək vacib idi. Son sessiya bizim Ukraynaya necə kömək edə biləcəyimizi, bu müharibəni necə dayandıra biləcəyimizi müzakirə etmək üçün keçirdiyimiz sessiya idi. Sessiyalardakı bütün həmsöhbətlərimiz və bir çox müttəfiqlərimiz Türkiyənin oynadığı roldan bir daha məmnunluqlarını ifadə etdilər”, – deyə M.Çavuşoğlu əlavə edib.